Sunday, January 25, 2015

مقوله هيتش

في فيلم اجنبي اسمه هيتش كان في مقوله جميله جدا تبعث في النفوس التفائل والرغبة في الحياه وهى ( ابداء يومك كل صباح اكنك انت اللي قاصد تبدأوا مش مفروض عليك), ما افضل الإحساس بالأمل الدائم رغم كل الاحباطات الحياتية اليومية 

Saturday, November 8, 2014

الاعلام المصرى

وانا بقلب على القنوات بتاعتنا ومرييح على الكنبه قلت اشوف بيقولوا اييه الاقى توفيق عكاشه مع احمد موسى فى لقاء الجبابره مع بعض طبعا كان فاصل كوميدى لذيذ وبعدين اقلب الاقى لميس الحديدى جايبه خبرااء و كلهم بيقولوا اننا دوله طول عمرها عشوائيه ومفيش اى تخطيط وكل المقترحات بتترمى فى الادراج من البيروقراطيه والخوف من اتخاذ قرار مع انها حلول جيده و جزريه وبعدين يوسف الحسينى ومشاكل مصر فى المياه الاقليميه والطاقه وبعدين محمود سعد وهو بيقول ان رئيس الوزراء بيقول احنا قدام ارهاب شديد هو الاهمال فى كل شىء ,,, وهكذا , وكنت مستمتع جداا عشان كل المطبلتيه قلبوا كالعاده ومستمتع اكتر عشان اتاكدت انه فعلا ولا فيها فايده و كللله بلح , بس بججد قمه المتعه لما سيبت كل ده واستقريت على اجمل قناه كارتون وعشت جوااه عششان انسسسى

Monday, August 11, 2014

الامم صاحبه التاريخ

لماذا الامم و الدول صاحبه التاريخ العريق والاثار, لا تكون من الدول المتقدمه مثل مصر واليونان والصين والهند , ودائما يوجد مشاكل عرقيه و دينيه واجتماعيه وسياسيه واقتصاديه ... الخ , مع العلم ان الصين و الهند ليسوا دول عالم اول بل مازالوا عالم ثالث فهم ليسوا المانيا او اليابان او اميركا , ممكن لديهم صناعات ويحاولون ان يكونوا منهم ولكن ليس بعد , السؤال لماذا تلك الامم ليست متقدمه كدول العالم الاول , مع العلم ان الشىء المشترك بينهم هو التاريخ العظيم  والمبهر بكل المقايس و التقدم حينها وليس مثل دول العالم الاول التى لا تمتلك جزء من تلك الحضارات القديمة المبهره وانما تمتلك  المستقبل المبهر والقوى. حقا لماذا؟

Monday, August 4, 2014

انا وفريده

امس كانت لدى وعكه صحيه, فانفردت بنفسى بعيداا عن زوجتى وابنتى, وبعد قليل قامت ابنتى تبحث عنى ثم سالتنى , فيك ايه ياكريم  قلتلها مفيش يا حبيبتى, انت تعبان قلتلها اه شويه , قالتلى ليه انا مش عايزاك تتعب , وبدات فى الاحضان والبكاء لتعبى , والله وقتها اتمنيت الزمن يفضل وااقف فى لحظه الاحساس ديه اللى مش ممكن تتوصف  والفريد من نوعه من ابنتى فريده , ونامت جنبى عشان متعبش تاانى

Sunday, May 18, 2014

الالم والجرح

بلاشك ان الالم والجرح يضفيان الحزن والاسى وايضا فى بعض الاحيان الرغبه فى اعتزال الحياه, واحيانا يكون دافع للافضل ويكون معلما جيدا للشخص , كل ذلك يعتمد على ايمان وشخصيه الشخص والقدره العقليه الخاصه به

Tuesday, March 11, 2014

الزمن والصياااعه

الزمن هو الفيصل فى الحكم على الاحداث والقرارات و الوعود والخطط وايضا على الاشخاص,كلنا حكمنا على الاخوان وحكمهم بالغباء والاستغلال والخيانة وكل شىء زفت ,ودة صحيح طبعا مننكرش , وكلامهم اللى كان مجرد مايتقال محديش  يقبله ويحصل هجوم عليه مع ان الواحد لو فكر فيه هايلاقيه صح وواقعى بس الاشخاص مش مقبولين ولا طريقتهم مقبوله عشان كدة مكروهين واى شىء من عندهم يبقى زفت وسوااد, تمام كدة .نيجى بقى للكلام دلوقتى اللى هو من الاخر نفس كلام الاخوان بس الفرق فى حاجه وحده بس الصياعه فى العرض و اخباره للناس بطريقه كلها حب واهتمام مش بالصدمه ,ودة اللى كان نفس الحال فى ايام مبارك تاخد على قفاك وانت فاشخ ضبك وبتضحك عشان السم موجود بس جوه العسل, دلوقتى النور يقطع نقول عادى معلش, اضرابات و مظاهرات مش وقته عشان البلد تقوم , حوادث طرق وفساد ونقول معلش هنطهر , الحال واحد والله , بس الصايع هو اللى بيكسب فى البلد دية مش الصريح واللى يجيبهالك فى وشك , اصل احنا حساسين مش بتوع الواقع ظبطنى ااه وادينى على قفايا بس و انا راضى وضاحك عليا , والله ما هنتغير و طول ما احنا كدة لا هتلاقى شرف ولا عمل ولا قوه ولا انتاج وقريبا لا دوله

Friday, September 27, 2013

متى نكون فعل وليس رد فعل؟

امتى بقى نعرف نخطط وننفذ لسنين و اجيال قدااام, مرة نبقى فعل مش كلة رد فعل من اول ماوعينا على الدنياا, نفسى نبقى حضارة بجد زى زمان فى العصور المختلفة, متى يكون هذا اليوم ياترى؟؟؟

Sunday, August 25, 2013

دائما هناك الاوووسخ

وانا مع صديقى مستنية على القهوة وبنتكلم عن البلد واللى فيها, وبالرغم انة مش مع الاخوان ولا مع الجيش لكن خايف على البلد و بس, المهم لاقيتة بيقولى رغم كل دة بس انا متفااائل, وقعت على نفسى من الضحك حتى لاااى الشيشة وقع منى من قوة الضحك, سالتة متفائل لية؟ قالى عشان مفيش ولا العن ولا اوسخ من كدة اللى احنا فية, تبسمتلة وقلت لة كلمة وحدة الكلمة دية بنسمعها من معارفنا و قرايبنا وكل اللى نعرفة من اول ما اتولدنا لحد دلوقتى, ياعزيزى انت فى مصر فدائما هنااك الاووسخ

Sunday, July 28, 2013

الوضع الاخواانى

الوضع الاخوانى الحالى فى مصر معروف وشايفين اللى بيحصل, وفى تونس المشكلة اكبر بكتير لان الحكام اللى هم الاخوان معاهم الجيش والشرطة ضد الشعب, فى ليبيا الوضع انيل عشان ليبيا اصلا كل اهلها مسلحيين, دة غير القلق اللى فى تركيا, دة  معناة ايه ان الفكر الفاشل ليهم واحد والعنف اساس حياه ومبداء وقت اللزوم, يبقى الوضع معروف للكل الا ليهم هم او اللى تبعهم بس , لو على اننا كفرة يبقى ايه اللى يخليك تحكم بلد كلها كفرة مابلاد الله واسعه والكفر فيها على اصلة زى مابيقولوا, خلاصة القول على مر السنين والتاريخ اللى بيروح عمروا مابيرجع لو تعرف ترجع عمرك دقيقة ورا , ساعتها اصدق انة هايرجع, دة عندهاا , ليا سؤال لية الناس دية مكروها كدة من كل الشعوب دية؟ , ولا كلنا غلط و كفره وهم الصح وبس . 

Tuesday, June 25, 2013

البنزين و السولار اتنين فى واحد

طبعا كلنا شايفين و حاسين بازمة البنزين و السولار والزحمة ووقف الحال, كل الناس قرفانة و زهقانة بس انا مبسوط, ليية بقى عشان زمان كان ديما الازمة بتكون على ناس اة و ناس لا خصوصا الناس الغلابة, لكن دلوقتى كلة حاسيس و متاثر, عشان كلة بجد يتحرك ويبقى مفيد مش هتافات و كلام بس, كدة كلة معكوك بقى جمااعة يعنى, المساواة فى الظلم عدل, مش ناس و ناس, هنشوف بقى هنتصرف ازاى ولا لو اتحلت هننسى و نطنش كالعادة, كان لازم عشان نحس و نتجمع عشان نغير يكون كلنا متاثريين بجد سواء بنزين او سولار او كهرباء و مياة, هنشوف هايحصل ايية

Wednesday, June 5, 2013

اخوانى واخواتى المصريين

الايام اللى فاتت وضحت لينا اننا لا عندنا رئاسة ولا حكومة ولا احزاب ولا معارضة و اى فكر.فى وقت كلة مصايب كهرباء فاشلة ومضلمة علينا و نيل هايروح مننا ومفيش سولار ولا بنزين والتموين هايخلص ومفيش سياحة ولا استثمار ولا انتاج,مش معقول بلد زى مصر مفيهاش حد يمسكها صح سواء  اخوان بقى معارضة جن ازرق كلة ضاااايع واحنا وراااهم,لسة من شوية كان فى جلسة بين الشاطر وايمن نور و عمرو موسى فى بيت ايمن نور, بزمتكم حديتوقع او يفهم اية اللى بيحصل فينا دة والناس هى هى مش بتتغير احنا بس اللى بنتفقع, نسالكم الدعاء ويارب منقلش قريبا اقروا الفاتحة على مصر

Saturday, May 18, 2013

فيلم قديم بنسخة جديدة

اللى بيحصل فى بلدنا عامل زى الافلام العربى و الهندى القديمة, سيناريو واحد اساسى مع تغيير فى الابطال وحبة احداث لزووم الساسبينس. حالنا هو هو ومش هايتغيير نفس المواضيع بتتكرر باساليب جديدة وابطال جديدة حسب الوقت اللى احنا فيية, ريحوا الدماغ و كلة يركز فى حاجتة عشان يعرف يعيش, وسلملى على الثورة و الديموقراطية اللى بنسمع عنها بس و بنشوفها فى الافلام الاجنبى , بس احنا بقى افلالام عربى ام الاجنبى ههههههه

Monday, May 6, 2013

صورة على الطريق



صورة على الطريق ساعة مغربية

Thursday, April 11, 2013

تسليم اهالى على المفتاح

 
الايام ديية بيتكلموا عن الدورى المصرى لكرة القدم اللى هايبداء فى 22 اغسطس انة يبقى حصرى لقناة معينة و هى اللى تبيع للكل بعد كدة, وكان معروف من زمااان ان حق الاشارة بتاعة اذاعة الماتشات من حق التلفزيون المصرى فقط وهو اللى يبيعها. لو حصل بقى والقناة خدت الحق الحصرى يبقى الاشارة دية هاتبقى منها هى يعنى التلفزيون مش هايملك شىء ولو عايز يذيع لازم يشترى, لية بقى كل الكلالام دة عشان اتعرف ان الجزيرة رياضة مصر هى اللى عايزة تشترى الموضوع دة واللى صدفة هاتبداء البث بتاعها من 1 اغسطس. بردوا كل دة مش مهم, انما لو فعلا حصل فى ظل وزير اخوانى لللاعلام وكدة وعلاقة الاخوان بقطر ( الجزيرة ) ولو فعلا تم البيع الحصرى ليها , يبقى تم التفريط فى حق المواطن الغلبان فى متعتة اللى احتمال يتحرم منها زى حجات كتير اتحرم منها, دة معناة ان مصر بتتسلم تسليم اهالى على المفتاااح زى ما كل الناس بتقوول.وسلملى على الاشاارة

Monday, April 1, 2013

الشخص الالة ؟

كتير مننا بيتعاملوا مع الاشخاص اكنهم الة , ويعتقدوا فيية اوى اكنة هو و مفيش غيرة واى حد تانى او راى حد تانى هو دة وبس  اللى صح, والباقى كلة كفرة ولاد كلب او مش صح, دية مشكلتنا فى شعبنا عشاان نصة جاهل اكييد وكمان عشان مش بنشغل عقولنا و دة الاهم, لازم ديما نبقى تبع حد و خلاص وهو اللى يسوق , انما نفكر او كدة مالناش فيية, ونشتم بعض ونقاتل بعض عشان اشخاص عملناهم الة , واحنا مش فاهميين, دة مش فى السياسة و بس على فكرة فى كل شىء  فى الحياة دوور وانت تلاقى حتى فى الحب شايف اللى بتحبة و بس مع انك لو شفت حد تانى ممكن جدا يبقى افضل, لكن نحن اصحاب بصيرة عمياء لا نعرف كيف نبصر ولا نفهم. خلص الكلام

Saturday, March 30, 2013

الانسان المحظوظ؟

مين هو الانسان المحظوظ يا ترى؟ اللى معاة فلوس ولا اللى حوالية ناس بيهتموا بية ويحبوة من غير سبب ولا الناجح فى عملة, كل واحد لية مفهومة عن الانسان المحظوظ. امى ديما تدعيلى دعوة  ان ربنا يحميك ويحبب فيك خلقة اكييد كلنا بنتمنى دة, لكن مش بالتمنى ولا الدعاء فقط يحصل دة انما الشخص نفسة وبافعالة وطبعا رضى الرب و الوالدين هم اللى بيحققوا الدعوة دية, الانسان يجتهد فقط والدعاء مكمل لة, ربنا مايحرمنى من حب الخلق ليا ابدااا, لان بيية اكييد هابقى محظوظ وهاحقق كل اللى نفسى فية, يااارب

Sunday, March 10, 2013

مادة 37 من القانون

تم امس اصدار قرار من النيابة بتفعيل القانون رقم 37 اللى هو كان اصلا موجود بس مش معروف اوى او مش مفعل,اللى بيقول اية بقى  ان من حق اى مواطن يقبض على اى حد بيسرق او بيخرب او بيعمل اى شىء ضد القانون حلو كدة, طيب  لما يتمسك هايروح فيين يا ترى للشرطة اللى مش شغالة ولا كل واحد بقى يعاقبة بمزاجة, زى ما حصل فى السويس كدة والشاب اللى مات مع خطيبتة, من الاخر كدة دة معمول عشان كل حد يعمل الميلشيات بقى والامر بالمعروف وكل الكلام الجميل دة وكل يأأدب كلة او يبلطج على كلة بس بالقانون, ايها السادة المواطنون استعدوا للحرب الاهلية

Monday, March 4, 2013

مرحبا بمصر الاخوانية

هللوا معايا الاخووااان وصلووواا لكل مصر خلالاص و اتمكنوا, انسوا مصر يا جماااعة واللة مفيش امل تاقلموا بقى على الوضع كل وااحد مع نفسة, النهاردة وانا رايح الشغل كان فى صينية مرور فى اخر شارع مصطفى النحاس مكان اسمة التبة فى مدينة نصر وكمان فى  تقاطع كان كتيير بيوقف الطريق, المهم حصل اية بقى لاقيت الصينية دية متشالة والطريق اتقفل من ناحية وبقى اتجاة واحد عشان المرور يبقى كويس , مفيش مشكلة و حل جميل, بس ميين بقى اللى عمل كدة حزب الحرية و العدالة, يعنى ولا الحى و لاالمحليات ولا المحافظة. اذاا وصلواا لقلب مصر والمفاصل زى ما بيقولوا, سلمولى على مصر سلمولى , هههههههههههه

Monday, February 25, 2013

قصة واقعية عجبتنى

فى فرنسا  فترة من الزمان الملك اصدر قرار ان النساء لاترتدى الذهب و الحلى, عشان الناس تبقى سواسية ومحديش يبقى اعلى من حد و كدة,كان وقتها فى افكار شيوعية كتير فى اوروبا فى الزمن دة. المهم طبعا النساء عاندوا القرار ولبسوا اكتر, فا الملك حس انة كدة منظرة و حش وفكر يرجع فى القرار ولا يعمل اية, فعمل اجتماع بالمستشارين بتوعة ( المستشاريين اللى بجد ) وسال ارجع فى القرار ولا اعمل اية , واحد منهم قالة طبعا مينفعش ترجع فى القرار لكن ينفع تعمل قرار جديد وتقول فية : ان القرار اللى انتى خدتة من قبل دة كان عشان النساء الجميلات مش محتاجة للذهب عشان يظهر جمالهم لكن النساء العاديات والقبيحات يلبسوا الذهب كما يريدن.
طبعا معروف اية اللى حصل  وكلة قلع الذهب و محديش لبسة.
اللى عايز  اقولة و نتعلمة لازم قبل اى شىء تفهم الناس صح وتعاملهم بطريقتهم وعادتهم وفكرهم عشان تقدر تنفذ اى قرار انت عايزة وبرضااهم,دة اللى اسمة الذكاء الاجتماعى و الوعى, يعمل اللى انتى عايزة برضا الناس وتفهمهم عشان انت فكرت زيهم وعارف افكارة و عاداتة.
ياترى ممكن نشوف جزء من التفكيردة هنا؟

Saturday, January 26, 2013

جملتين للوقت الحالى


خلاص اامنت بالوحلة وبكرة اللى جاى مش احلى  . عمرو قطامش فى انا مش اسف.

الكلام عن اى امل فى البلد الاياام دية نوع من الوقاااحة. خالد صالح فيلم فبراير الاسود.


اسف جدااا على الازعااج و عدم التفاؤول ولكنة الواقع الذى يكون غالبا مؤلم.