Monday, July 18, 2011
حالنا كامواج البحر
ممكن اقول واوصف حال بلدنا الايام اللى بنعيشها حاليا من بعد الثورة من تقلبات وفوق وتحت ويمين و شمال, زى امواج البحر,زى الواحد و هو فى البحر و الموج شديد وساعات يقلبك وانت بتكون جواااة عمال تلف حولين نفسك مش عارف تاخد نفسك ومش لاقى مخرج من الدوامة اللى فى الموجة , ويدوب تاخد نفسك مرة و بعدين تغرق تانى , هو دة حالنا اللى بنعيشة حاليا ,كل فين و فين لما نلحق ناخد نفس علشان مش نموت , يارب نلحق نوصل على البر بالسلامة قبل ما الانفاس تخلص ونرووح فيها
Sunday, July 10, 2011
شعار الشعب الجديد
لكل وزير او رئيس وزراء او المجلس العسكرى علشان المظاهرات و الاعتصمات و اللى بالى بالكم مش تحصل و نخلص بقى , فليكن شعار الشعب الجديد ادينى حقى وانا مفتحش بوئى علشان نرتاح بقى و نفوق شوية
Wednesday, July 6, 2011
مقطع من اغنية حالنا حال لفرقة بساطة
انا لو ماقولتش نكبر نطنش نشيلها من دماغنا بلدنا فيها خير ولو عندك ضمير هتتغير حياتنا فينا الحلو اكتر ليه فالوحش نفكر ليه بنبوظ صورتنا بلدنا احنا اللى فيها ويا نعدى بيها ينفضل زى ما احنا
يارب نعدى بيها على خيير يااارب
يارب نعدى بيها على خيير يااارب
Sunday, June 26, 2011
Thursday, June 23, 2011
الثورة راحت فيين؟؟
حد يعرف الثورة راحت فين ولا بقينا حاسين بيها ولا شايفين انجازات ولا اى بوادر امل جديدة, وكأن فرحة الثورة راحت و خلصت لما بسمع كلمة ثورة 25 يناير اكنى بفتكر ايام بعيدة فى حياتى كانت كلها امل وحماس وتطلع للافضل, لماذا هذا الركود , حد يقولى فى اية كلة كلام و خناقات ومفيش حاجة بتحصل, اخرها امس محافظ القاهرة بيقفل فى وش محمود سعد فى مكالمة تليفونية فى قناة التحرير,علشان بيسالوا على اكوام الزبالة اللى فى القاهرة والمحافظ يقلة هانعمل تجربة لمدة شهر فى حى مدينة نصر و نشوف النتيجة راح التانى رد علية وقالوة على كدة لما توصلوا شبرا يبقى السنة اللى جاية, راح البية المحافظ اتعصب وقالة مش من حقك تقييمنى . نعم يا حيلتها امال مين اللى يقيمك اذا كنت انت فى خدمة الناس عايز مين يقيمك, وقفل السكة. وقال محمود سعد واضح انهم جابوا رئيس الوزراء بس اللى من التحرير و الباقى هو هو, عايزين ثورة فى كلة مش منظر و بس حراام واللة بتضيعوا الحجات الحلوة, مرة عمر اديب قال كلمة وطلعت صح قال احنا دايما منفردين اول شعب يعمل ثورة رائعة و هو بردوا اللى بيبوظها , دة فعلا بجد بيحصل. اخر حاجة بردو من كلام ابراهيم عيسى ان عصام شرف تقدم بتغيير 13 وزير و المجلس العسكرى رفض راح منزلهم الى 6 راح المجلس معيين وزير الخارجية الجديد بدل العربى . تحياا مصر
Thursday, June 16, 2011
Saturday, May 28, 2011
Subscribe to:
Posts (Atom)
