ربنا يتوب علينا بقى من السحابة السودة دية طبعا اللى حاسيس بيها سكان القاهرة بس الباقى كلة زى الفل حاجة بجد تخنق الجو بقى افظع من الدخان فى اى كافية مقفول على
الاقل فى الكافيهات بتشم روايح دخان بالفواكة يعنى ريحة لذيذة واحلى شوية مع الاحتفاظ بنفس الاضرار بجد الموضوع بقى زيادةةةجداا نفسى افهم فين وزارة البيئة ولا اى نيلة ولا حكومة ولا الهوااا.ربنا يعدينا منها على خير ( وعلى راى محمد هنيدى هنيئا لمستشفى الصدر ) واللة العظيم المدخنين بجميع انواعهم سواءمدخنى السجاير او الشيشة بيشتكوا منها و مش عارفين يتنفسوا. وربنا مايقطع للفلاحين عادة بحرق قش الارز. اتمنالكم الصحة والاستمتاع بالاستنشاق المدخن
1 comment:
عندك حق طبعا بس المهم تلاقي اللي يقرا ويسمع ويحل احنا لو كنا فى اى بلد تانية كانت الدنيا اتقلبت بس احنا هنا سمعنا تقيل خصوصا لو كانت حاجة خاصة بصحة الناس تبقى مش ذات أهمية بس مين عارف يمكن يجي يوم ويسمعوا ان شاء الله
Post a Comment