Wednesday, April 8, 2009
زواج المسيار
اعلنت دار الافتاء المصرية على موافقتها للعمل بزواج المسيار وقد سبقها قبل ذلك دول عديدة و منها السعودية ولكن دار الافتاء اشترطت ان يوافق ولى الامر اى رئيس الجمهورية, يعنىرموا الكرة كعادة الحكومة المصرية فى ملعب الريس, وزواج المسيار هذا عبارة عن ان يتزوج الطرفين و يلزم كل واحد مكانة مع بعض الزيارات كل كام يوم لزوووم الامووور اياهاا, وهناك من يشجع هذا الزواج و هناك من يرفض و كل لة راية واسبابة, انا ارى فى ظل الظروف التى نعيشها فى دنيانا الصعبة انة من الامكان ان يكون هذا الزواج مع الضمانات الكاملة للزوجة وايضا عندما تسمح الظروف يكونوا فى مكان واحد فيما بعد, بس الموضوع لة مشاكل كتير منها المعروف والغير معروف الذى سوف يظهر مع تطبيقة, ربنا يستر قال يعنى هى ناقصة, مارايكم فى هذا الموضوع؟
Subscribe to:
Post Comments (Atom)
17 comments:
راى ايه بقى ها عاوز راى الدين طبعا الهطل اللى بيقولوه غلط
راى كانسانه ولا حاجه الريس هيلبس دش فى دماغه والدعاره هتبقى مقنعه بس خلاص
انا معاكى تمام بس كل وقت و لية اذان وى مابيقولوا ولو كان غلط ماكانش الافتاء فى السعودية طبقتة, واللة ما انا عارف, ربنا يستر
انا فى راي فى ظل ما يحدث هذه الايام من فساد فى العلاقات بين الجنسين بسبب عدم القدرة على الزواج اوزواج فى الاساس خطأ فإن زواج المسيار اهون بكثير وبعدين الزواج فى كل الاحوال بقى مش هدفه تكوين اسرةواولاد بقى زواج وخلاص يبقى ده افضل من حاجات كتير
فى النهاية اريد أن ابدي اعجابي الشديد لما تثيره من مواضيع تمر بحياتنا ولها تاثير فيهاواتمنى لك دوام التوفيق
سيدتى نشوى اشكرك على متابعتك الدائمة وتشجعيك الدائم لى, تحياتى
اعتقد ان موافقة الرئيس هي طريقة للحد من ذلك الفعل حيث انه بالضرورة وجود صعوبة للحصول عليه
اما ان تكون طريقة للحفاظ على السياحة العربية لذلك تحتاج الى قرار الرئيس
اشكرك على زياراتك وتعليقاتك
سمراء
استاذ كريم
هذا يعتمد ع مفهوم الزواج للبعض؟؟
الزواج يعني تكوين عائلة بيت مسؤولية
يعني واجبات و حقوق
يعني ارتباط و تفاهم
الزواج مدرسة ان بنيتها و احسنت بنيانها ستحظي بنتائج
ترضيك و تسعدك طول العمر
في نهاية هل تعتقد ان زواج كهذا سيصمد امام الزمان و مصاعبه؟ لمن يعلل ان الظروف هي من تنتج هكذا حلول
اوافقك الراى بالنسبة لمفهوم الزواج و لكن هناك زواج عرفى وهناك كثير من العلاقات بدون زواج فاعتقد ان هذا الزواج يكون افضل فى تلك الحالات
السلام عليكم
هذا الزواج لا يحقق كل الأهداف المنشودة من وراء الزواج الشرعي، فيما عدا المتعة والزواج في الإسلام اساسه الإنجاب والسكن والمودة والرحمة. و هذاالزواج ليس هو الزواج الإسلامي المنشود، ولكنه الزواج أوجبته ضرورات الحياة، وتطور المجتمعات وظروف العيش، و كاما علمتوا بان عدم تحقيق كل الأهداف المرجوة لا يلغي العقد، ولا يبطل الزواج إنما يخدشه ويقلل من قيمه
مع انهم قالوا بان عقده عقد متكامل الأركان والشروط، وإن تنازلت فيه المرأة عن بعض حقوقها، فلها ذلك، لأنها مالكة الحق ولها أن تتنازل عنه حيث انه لا يؤثر على العقد...
شكرا
ربنا يستر ع البلد عموما في كل حاجة
مدونتك مواضيعها متنوعة وجميلة
تحياتي
التعريف اللى انت كاتبه عن الزواج المسيار مش مظبوط
انك تتقبله مش ممكن الا اذا عرفت معناه المظبوط
اعتقد والله اعلم
ان المسيار نوع من الزواج ملزم للرجل اكتر من العرفى واللى مش جواز اصلا اللى بيحصل من العرب فى الاجازات
-------
على سبيل المثال رجال الاعمال اللى بيسافروا للصين مثلا من حقه يتجوز هناك عشان يعف نفسه
وفى نفس الوقت الزوجه والاولاد المصريين يتحقق لهم الاستقرار
فى المدارس ووسط الاهل!!!
---------
ورد الى علمى والله اعلم
ان بعض الدول العربيه مازال مباح فيها الجوارى
ولما بنبعت رجال هناك فى منح او اعاره بيتصرف له بدل يشترى جاريه وتبقى من ملك اليمين
ولما يخلص المده يبيعها!!!
---
عزيزتى dodda كلامك مظبوط ولكن اذا كنتى قراتى فى الصحف هذا هو تعريف زواج المسيار هنا فى مصر كل بلد لها طباع معينة وهذا الزواج اذا اخذ بة فى مصر فسوف يكون بالشكل الذى ذكرتة وهذا للحفاظ على الشباب من الفتنة, يكون متجوز احسن مايزنى او يغتصب او يتجوز عرفى , تحياتى
عباقرة احنا.....بنعرف بحرفنة شديدة نزوق الحاجات..يعنى عارف فى موضة كدة جراب للموبايل بيدى للموبايل شكل تانى انه احلى وموديل احدث...شفت واحد حاطط على موبايل 1600وش مخليه شكل 6600 وعادى مبسوط بشكله اوى
احنا بردو عايزين نحط للدعارة وش 6600هتبقى اشيك بردو
وللا ايه رايك؟؟؟
عزيزتى انجى انا عارف ان معظم الانسات غير راضيين, ولكن فكرى بعقل العوانس و المطلقات, وهناك كمان شىء مهم انا هذة ليست دعارة والا كانت لم تتطبق فى السعودية, بس زى ما بيقولوا لكا وقت اداان, والقانون لو اتوافق علية غير ملزم اتجوزى بالطريقة اللى تريحك كل واجد على حسب تفكيرة و ظروفة و لا ايية
وهو يعنى الجواز الشرعى كان نفع فى البلد عشان نخترع أنواع جديدة منه
أذا كان الزواج أبو أشهار وأعلان ومأذون وشهود مبقاش بيطول والطلاق على ودنه
ناقصين كمان أختراعات ؟
ما هو الجواز ده زي الجواز العرفي
بس موافقه ولي الأمر تعني الأب أو الأخ أو العم كده يعني موش رئيس الجهوريه
عزيزتى غرام نعم ولى الامر هنا هو رئيس الجمهورية لانة سوف يصبح قانون, لان دار الافتاء تتبع الحكومة بوزارة الاوقاف وهو ولى امر البلد , موافقة الاهل تاتى عند اتمام الزواج وليس الموافقة على ان القانون يطبق ام لا, اشكرك
بصراحه أنا مع الزواج بأي صوره
وبعدين ماهو المسيار ده زي الزواج العرفي أتذكر ان كان فيه شيخ يمني عايش يمكن في لندن، وكان الشباب والبنات اللي اصولهم عرب بيعانوا من انهم في مجتمع فيه حريه جنسيه، وأن لديهم مشاكل لأنهم مسلمين وموش عارفين يعيشوا زيهم، وكمان موش قادرين يفتحوا بيوت ساعتها أجاز لهم أن يتزوجوا بزواج أسماه زوج فريند بدل البوي فريند
وكل واحد يعيش في بيت عيلته لحد ماتتحسن الأمور ويقدروا يعيشوا مع بعض مستقلين ماديا عن عائلاتهم
ساعتها قامت الدنيا عليه ولم تهدأ رغم أني بصراحه وجدت في كلامه حل منطقي
Post a Comment