اللى عندة فكرة عن سلطنة عمان يقولى ولو عندة راى يقولوا يمكن يساعدنى, وربنا يعمل اللى فية الخير
Sunday, May 31, 2009
الحيرة
ماذا تفعل لو كنت مكانى عندما يكون لك فرصة عمل خارج مصر وانت الابن الوحيد لام واخت وكمان كنت هاتجوز بعد شهر ونص وفجاءة يجيلك عرض للعمل بالخارج فى ظل الظروف المنيلة اللى احنا فيها, وهذة العائلة الصغيرة لا تريدنى ان اسافر وفى نفس الوقت الدنيا هنا مش كويسة و الفرص مش تتكرر للسفر, بينى بينكم مش عارف انا بين نارين انا عارف ان شىء باييخ انك تكون بتجهز نفسك للجواز وداخل فى المووود بيتاعة وفجاءة يجيلك حاجة و كمان برة بلدك يعنى مش عارف الدنيا عاملة اية,
Subscribe to:
Post Comments (Atom)
12 comments:
انا مش عارفة الشباب بيبقى هايموت على السفر اوى كدا انا طبعا فاهمة انه ظروف البلد بقيت صعبة علينا احنا بالذات الشباب بس الواحد يسافر ويضيع شبابه كله عشان الفلوس ويبص يلاقي الاسرة اللي مسافر عشان يبنيها مشتتة والهدف الرئيسي يبقى ضاع.
انا رايي انه فى حاجات صعب الواحد يعوضها اهم من السفر واكبرها واغلاها رضا الام ووجودها خصوصا لو كانت فى حاجة لوجودك جنبها هو ده بس المكسب الحقيقي اللي مش ممكن يتعوض اى حاجة تانية ممكن
اتمنى لك التوفيق فى اتخاذ قرارك الصحيح
انا لو مكانك هسافر مقدرش اكمل هنا بكل ده اعكس السؤال اسالهم هما شخصيا قولهم كان ممكن تسيبونى وتمشوا ولا لا
سافر ومتقعدش كتير وخد مراتك معاك وارجع كل فتره صغننه
واللة معاكى بس امى واختى ماللهومش غيرى وكمان انا جوازى لسة فى الشهر اللى جاى كدة هايتاجل او يتلغى لانها مش موافقة هى كمان, مش عارف اعمل ايية
امممم الموضوع صعب صح
كريم نقولك شئ واحد استخير صلي صلاة الاستخارة وربي ان شاء الله يفرج عليك ويهديك للراي الصواب
وحاول تفكر مع امك واختك مع بعض يعني
وشوف الخيارات اللي متاحة والانسب ليك
وربي يوفقك
اشكرك نسيم ليبيا وربنا يعمل اللى فى الخير على فكرة انا كنت هسافر ليبيا بدل عمان , النصيب بقى
السلام عليكم ورحمة
الله تعالى وبركاته
لو سألتنى عن عُمان كبلد وناس
فهى ممتازة جداً لكن ارجع اقولك
طب والوالدةواختك و(العروسة )ياأبو الكرررم حتعمل ايه فيها؟رأيى اتمم زواجك اولاً(هذا مفروغ منه)واطلب مهلة من صاحب العمل العمُانى لو شارييك حينتظرك اما لو عايز اى (حد) والسلام فهذا ستجد غيره كتير بعد كده متخافش ...زواجك واسرتك اولاً
لن تجد ام ولا اخت ولا زوجةثانياًولكن ستجد عملا اخر باذن الله.
ايــــــــــه ياكريــــــــــم:)
كومنت موديريشن وكمان تأكيد الكلمة
حـــــــــرام كده:(دا افترا يامعلمى
اشكرك نورا هانم واعلك ان كلامك صحيح ولكنها المرة الاولى لى اطمئن واقبل على السفر ولكن واضح ان فى وقت غير مناسب, وربنا يرزقنا بالاحسن, وواللة اعتذر عن الموديريشين بس ساعات الواحد بيقرا حاجات مش ظريفة فهذة افضل طريقة, تحياتى
السلام عليكم ورحمة
الله تعالى وبركاته
وانا كمان بشكرك على الرد
بس !طيب! يعنى:)الموديرشن مافيش مانع لمنع الغير مرغوب فيهم من المرور لكن التأكيد على الكلمة بقى !!ايه الداعى لها؟؟اتفضل جــــاوب وانا سامعة اهوه:)
تمنياتى ودعواتى لك
بالسلامة والتوفيق فيما تريد القيام به.وامرى لله اروح اعمل التاكيد على الكلمة :(
كلاكـــــــيت ؟؟؟مرة
هو انت خالك الفنان
الانسان الموسيقار شرين الكردى
ياخبــــــــر ابيض:)
اتارى بقى :)يابختك بخالك
استاذ كريم وربنا يخليكم لبعض
ويخليك للوالدة ولاختك ولزوجتك كمان
واللى حرمك من والدك يطولك فى عمرهم جميعاً ياربـــــــــــــــــــــــــ
ايوة هو خالى العزيز ولى الفخر بذلك, وياستى متزعليش شيلنا الكلمة اللى مدايقاكى اؤمورى بس واحنا ننفذ
لو بتحبها
خليك يا كريم
متسافرش
Post a Comment