واللة ياجدعان مالناش فيها احنا احسن ناس تتشطرعلى بعضيها و بس و نعاير بعض و نغيظ فى بعض, وساعة الجد كلة بيضيع زى الزبدة لما يطلع عليها النهار تسيح, احنا اجدع ناس تتفرج وتتكلم بس مافييش افعال, نحن قوم اقوال لا افعااال كالعادة, وسلملى على كاس العالم,رااااحتتتت,اشوفكم فى تصفيات 2014 وربنا يدينا ويديكم طولة العمر ويلهمنا الصبر
16 comments:
هو بعد فضيحة امبارح دى يا كريم اقدر ابصم لك بالعشرين اننا فعلا مش فالحين فى حاجه
واللة هى معروفة من زمان اننا مش فالحين فى حاجات كتيير قوى بس احنا بنحب نكابر
ايه يا كريم هى كدة راحت فعلا
هو مش لسه فيه ماتشات تانى
ولا كدة خلاص؟؟؟
قلنا كده
قالوا بلاش
احباط يمكن ؟يجوز ؟
لكن اهو لا يمكن ولا يجوز:(
الحـــــــل ايه بقى؟
ولكن اريد ان اسألك
لو ما حاولوا ازاى يوصلوا؟
عزيزتى سبهللة التاريخ بيقول وكمان معرفتى القوية بحال فرقنا المصرية والمنتخب بيقول كدة خلاص, علشان مش هانعرف نكسب زامبيا فى ملعبها ولا حتى رواند واحنا لازم نفوز فى كاة والايام هاتسبتليك
نورحياتى انا معاكى انة لابد من المحاولة بس بيكون واضح انها محاولات جادة ولا اى كلام زى اللى بيعملوة دة احنا اتعادلنا على ارضنا عايزة محاولة اكتر من كدة اية, انسسسىىىى
تصدق انا بدأت أحترم العالم اللي مالهاش في الكورة و مش متابعة أي حاجة فيها
مريحين دماغهم عالآخر
--
الفكرة مش ليهم فى الكورة ولا لا الفكرة ان اللى لية فى حاجة يعملها صح علشان لو مش كملت نحترمهم
ويعنى اشمعنى دى اللى علقنا عليها آمالنا القومية والوطنية؟
يذكرنى الموقف بفيلم 1 - 0
فقد اوضح بشدة آمالنا القومية فى وقت ضعفت فيه طموحاتنا وأحلامنا
واللة علشان دية الحاجة الوحيدة اللى كل الناس بتفهمها و بتحبها وتقدر تتكلم فيها و عليها من غير خووف, مش زى باقى المواضيع
مفروض بعد صفر المونديال منشوفش نفسنا بلد له فى اى حاجة عالمية
كفاية علينا المحلى
و متابعة العالمى من بعيد لبعيد
وأي أأو ال ايه عاوزين ياخدوا
عندك حق والله
احنا اشطر ناس نغيظ بعض ونرخم علي بعض ونطلع عين بعض
هو ده اللي فالحين فيه
عاملين بظبط زي العيل الصغير اللي يتشطر علي اهله واخوته في البيت ويعمل فيها بتاع
وبره في الشارع العيال تسحلوه
تقبل مروري
شالو ألدو
جابو شاهين
ألدو قال ما أنتوش لاعبين
هههههههههههههه
نو كومنت
بئى
عشان النو كومنت هنا مواساه تساوى كلمة
(بلا خيبة )
اقابلك فى استاد 2014
تقبل مرورى
وماتنساش تستنانى
:)
(ملكة بحجابى )
واللة انا مستعد استناكى بس ربنا يدينا العمر ونشوف فريقنا فى كاس العالم
بيتهيألي كدا ياكريم بعد المبارتين اللي اتلعبوا مع البرازيل وفوز المنتخب على ايطاليااقوى فرقتين فى العالم يستاهلوا كلمتين حلوين لانهم اثبتوا انهم فعلا رجالة وان مصر فيها منتخب قوي يعتمد عليه وممكن يفرحنا حتى ولو لم يسعده الحظ احيانا ومين عارف ربنا يكرمهم ويعملوها
Post a Comment