الكلام اللى هكتبة دة مش اعتراض على القدر و لا النصيب اعوذ باللة , لكنها فضفضة من اللى بيحصلة. ان الواحد بيجيلوا فرص كتير و تكون مميزة جداا ولكن غاليا بتكون فى الوقت الضايع , يعنى حالة حب مميزة لكن صعبة تطور للجواز لظروف معينة , و دية طبعا حصلت لنا جميعا و عيشناها و بنعيشها وبالرغم من تميزها و قوتها و جمالها الا انها للاسف فى الوقت الضائع, وممكن ايضا فرصة عمل تكون فى الوقت الضائع وتندم عليها بعد ذلك, لكن السؤال هنا ان دة قدر و نصيب و لابد من تقبلة؟
ولا دة اختيار للشخص وهو الوحيد اللى يتحمل النتيجة مهما كانت الظروف. هل مصيرنا محدد ام اختيارى؟
اعتقد فى راى انة اختيارى ولكن الاختيار دائما يتوقف على الظروف المحيطة و خبرات الشخص نفسة و رجاحة العقل, و كلها عوامل صعبة وتربك اى شخص فى اتخاذ اى قرار حتى انة من التفكير الكثير يكون الوقت قد نفذ , ويبقى الاختيار فى الوقت الضائع لا جدوى منة
Subscribe to:
Post Comments (Atom)
6 comments:
هو كله نصيب يا كريم ولا اختيار لنا فيه سواء فى الحب ولو كان مميز زي ما بتقول او فرصة عمل تضيع او يبقى فيها نصيب للواحد ولكن تأكد اننا نرضى مش في اعتراض على ما يقضي به الله
والحمد لله على كل حال
عزيزتى نشوى طبعا نشكر اللى على كل شىء, ولكنى اعتقد ان هناك اشياء كثيرة تكون بالاختيار وليس كلة مقدر لنا فقط, لنا عقل و نحن نختار مصائرتا فى كثير من الاحيان, تحياتى
ياكريم ممكن نختار مصيرنا لكن ليس بايدينا مشاعرنا ولا احساسنا ديه مش فيها اختيار خاصة لو كانت صادقة مش نقدر نغيرها أو نبدلها حتى ولو كان العقل حاضراومن يطلق صراح مشاعره عليه ان يتحمل النتائج وده بقى هو اللي في الاختيار
سلامو عليكو
البيضة الاول ولا الفرخة ؟
طب ارد على فضفضتك من اى نقطة ؟
من نقطة الفرص اللى الواحد بيشوفها مثالية ولكنها بتيجى فوقت مش ملائم
ولا التردد وعدم اتخاذ القرارات الحاسمة فالتوقيت المظبوط
ولا فى اننا مخيرين او مسييريين
ولا فى رضانا او عدمه بالمكتوب ولو انك اقريت بالرضا !
اقولك :
حكاية الحب اللى ممكن تيجى فى غير وقتها ولسان حالك يقول هى دى .. اه بس لو جت بدرى شوية دى ممكن يكون ليها اسباب وافتقادات وتغير فى الشخصية وحاجات كتير وممكن الواحد يصبر نفسه لما يلاقى مفيش فايدة ومفيش امل ويقول " ويكفى اننا يوما تقابلنا بلا استئذان " وبس على كده .
الشغل حساباته مختلفة بعض الشىء ولكن كفة المقدرات دواما هى الرابحة
يمكن اللى ملفت هو التردد او اخد وقت طويل فى اتخاذ قرار ودا اللى فعليا ممكن يضيع حاجات كتيرة من ايدنا !
صحيح العقل مطلوب والتريث اكيد مرجو ولكن التردد وما يصاحبه من خوف بيضيع حاجات كتير ونرجع نعلقها على شماعة المقدرات
رغاية انا ودوشتك
شكرا على زيارتك وكلماتك الجميلة
شكلك تايه ومتلخبط وحاطط كل حاجة على بعض وكده مش حلو
تمنياتى لك بالرضا
تقبل تحيتى
دريم شكرا لمرورك الكريم والجميل
كل عيد تعيش فى سلام وتعيد
ونعلو وتسمو وعلى نفسك تتسيد
ولا يتحكم فيك ايا كان عبد ولا سيد
وعن الشرور تنأى بعيدا وتتحيد
وتجود بخيرك لغيرك وتكون الجيد
...وتصفو وتسامح ولا تكون الكيد
وبلاخلاق والمثل والقيم تتقيد
وتقيم جسور الود والحب وتشيد
Post a Comment