Monday, January 3, 2011

التعصب للجميع

اسمحولى اليوم ان استعير الكلمة المشهورة القراءة للجميع وان اعدل فيها بكلمة اصبحت واقع وهى التعصب للجميع, طبعا دة مش علشان اللى حصل فى الاسكندرية من الارهاب للمسيحين المصرين الذى كانوا مهددين من فترة من جماعات ارهابية خارجية بسبب انهم يريدون ان يمنعوا الحكومة المصرية من تسليم المسيحين الذين اسلموا مرة اخرى للكنيسة لكن كلة بيوصل لبعضة, المهم مش دة موضوعنا الاهم بقى اننا واضح ان كلنا بقينا متعصبين كل لرائية فقط و لا يسمع وجهات نظر او اراء الاخرين, وهذا يحدث فى كل امور حياتنا بداية من الدين و العمل والحياة الاجتماعية حتى الترفيهية زى الرياضة , كل البرامج الرياضية بتتكلم عن عقوبات دة على دة وشتايم دة فى دة و معايرة دول بدول , بجد حاجة بقت تقرف, لازم نفهم و حكومتنا تفهم انها السبب الرئيسى فى كدة , الناس مع الاسف بتطلع اللى جواها على بعض يعنى مش قادرين على الحمار الحكومة طبعا فى بيقدروا على البردعة يعنى الناس على بعض, كل واحد بيطلع الكبت و القرف اللى عايشة فى التانى , لو بصيت للناس تلاقى ان كل واحد مستنى غلطة او اى لمسة علشان يمسك فى اى حد ويطلع اللى جواةة, ةبعد كدة يقولوا وحدة و طنية و اعمال خارجية و الكلام الحامضان دة , لازم يعرفوا ان النفوس اتغيرت و العقول متعصبة والعل و الحقد ظاهر فى كل شىء, مصر زمان مش هى مصر دلوقتى ولا الناس هى الناس مش هانضحك على بعض, لكى الللة يا مصر

2 comments:

Nashwa said...

هو كدا فعلا لا هى مسلمين ومسيحين ولا غيره السبب ورا ده كله الضغط اللي فيه الناس من الحكومة ووصلنا لكدا بقينا مش قادرين نتحمل حتى بعض وبقيت الناس شايلة وكلها احقاد وبنفرغها فى بعض، حاجة تحزن بجد هى ديه مصر ربنا يستر عليها بلدنا ديه
كفاية والله حرام عليكم البلد مش ناقصة اكتفت خلاص

Anonymous said...

إذا الشعب يوما أراد الحياة
فلابد أن يستجيب القدر
ولابد لليل أن ينجلي
ولابد للقيد أن ينكسر

كلماتت شاعر تونس العظيم أبو القاسم الشابي
قالها من عشرات السنين .. وحققها شباب تونس الأبية

فهل شباب مصر عاجز عن تحقيق ذلك؟

تحياتي

إبن بهيـــــة

http://ibnbahya.blogspot.com/