Thursday, June 23, 2011

الثورة راحت فيين؟؟

حد يعرف الثورة راحت فين ولا بقينا حاسين بيها ولا شايفين انجازات ولا اى بوادر امل جديدة, وكأن فرحة الثورة راحت و خلصت لما بسمع كلمة ثورة 25 يناير اكنى بفتكر ايام بعيدة فى حياتى كانت كلها امل وحماس وتطلع للافضل, لماذا هذا الركود , حد يقولى فى اية كلة كلام و خناقات ومفيش حاجة بتحصل, اخرها امس محافظ القاهرة بيقفل فى وش محمود سعد فى مكالمة تليفونية فى قناة التحرير,علشان بيسالوا على اكوام الزبالة اللى فى القاهرة والمحافظ يقلة هانعمل تجربة لمدة شهر فى حى مدينة نصر و نشوف النتيجة راح التانى رد علية وقالوة على كدة لما توصلوا شبرا يبقى السنة اللى جاية, راح البية المحافظ اتعصب وقالة مش من حقك تقييمنى . نعم يا حيلتها امال مين اللى يقيمك اذا كنت انت فى خدمة الناس عايز مين يقيمك, وقفل السكة. وقال محمود سعد واضح انهم جابوا رئيس الوزراء بس اللى من التحرير و الباقى هو هو, عايزين ثورة فى كلة مش منظر و بس حراام واللة بتضيعوا الحجات الحلوة, مرة عمر اديب قال كلمة وطلعت صح قال احنا دايما منفردين اول شعب يعمل ثورة رائعة و هو بردوا اللى بيبوظها , دة فعلا بجد بيحصل. اخر حاجة بردو من كلام ابراهيم عيسى ان عصام شرف تقدم بتغيير 13 وزير و المجلس العسكرى رفض راح منزلهم الى 6 راح المجلس معيين وزير الخارجية الجديد بدل العربى . تحياا مصر

2 comments:

Nashwa said...

محدش هايفيدنا بسبب البطىء فى كل حاجة والهدوء الغريب ولا كاني البلد بتتغير ولا حصل فيها تغيير زي ما يكونوا مش هاين عليهم ان مصر تبقى احسن اتعودنا على الفساد والغلط وشكله كدا مش ليه نهاية ولا ليه حل وكل ده فى مصلحة مين مش عارفة
ربنا يستر ويكرمنا ونقدر نعدي معها البلد ديه على الخير ان شاء الله

Unknown said...

هي المشكلة انهم هما الي مش عارفين يتغيروا يعني احنا طلعنا لقينا الوزير بيتكلم مع الشعب من فوق جبل وكأن الشعب بيشتغل عنده مش هو الي بيشتغل عند الشعب

المشكلة كلها مشكلة اننا محتاجين نغير الثقافة او بمعنى اخر عاوزين نعيد تأهيل أفكارنا وأفكارهم

ونفهم ان اقل مطلب من مطالب الثورة هي المحاكمات واعظم طلب البناء والتغيير