سبحان اللة واللة ربنا كريم على عبادة,هاقولكم ليية انا لسة قارى دلوقتى ان الممثلين السوريين بداءو انهم يمشوا من سوريا علشان القلق اللى هناك و ينقلوا نشاطهم فى منهم اللى جية مصر و اللى راح امريكا و هكذا , ونفس الموضوع عندنا فى مصر الاخوة المسيحين اللى خايفين من التيار الاسلامى انة يحكم مصر بردوا بيفكروا يمشوا و يهاجروا منها وبردوا فى مسلمين من مصر قلقانين وبردوا عايزين يسافروا احتياطى, وطبعا الممثلين والفنانين سواء مصريين او عرب قلقانين وبيفكروا هم كمان يخلعوا من مصر.
احب اطمنكم جميعا اللى عايز يهاجر او يمشى من اى مكان لمكان تانى ان ربنا كريم و مش بينسى عبيدة ابداا خصوصا المخلصين منهم , لية بقى لسة من يومين تم اكتشاف كوكب شبة الارض بالظبط وكمان فى نجم بيدور حوالية زى الشمس وسموة تؤام الارض.
يعنى اللى عايز بقى مش هجرة و بس دة هايسيب الكوكب كلة ويبداء من جديد مع الكوكب الجديد بس على اللة مش يلاقوا هناك الاسد و لا حسنى ولا سلفيين ولا متشديدن ولا فساد, علشان اصل الكواكب القانون الجديد ونص التشطيب والمحارة فيهم ازمة اليومين دوول زى ازمة الانابيب اللى عندنا, الحق احجز بقى على اول صاروخ طالع
Subscribe to:
Post Comments (Atom)
3 comments:
انا اول الحاجزين عليه خلينا نبعد من كل اللى احنا فيه يمكن يبقى احسن
شكل كدة الكوكو الجديد هيبقى سكانه كلهم من مهاجري الشرق الاوسط
اعتقد نسبة كبيرة من الشرق الاوسط وكل الدول المتخلفة و العالم التالت, احسسن خلى الدنيا تخف شوية و تفضى ونشم هواا جديد
Post a Comment