مطلوب زعيم
لشعب طول عمره ...عظيم لشعب كان فعال زمان
لكنه هان حتا انه صار ...ما بين كبار وبين صغار
مفعول بيه بيقسمو ويفرقوا...بيقطعوا في عين اللى جابوا
واللى جابوا ابوه....علشان يموت او ينتهى
مطلوب زعيم ..لشعب حكموه خانوا
وتوهوا وغيبوا واللى انتبه منه ...وفاق غملوا عينه وكمموا
وسلموا فى المعتقل ..لكلاب جعانه يقطعوا
لكنه رغم القهر قام زقر وذم ..وفى اسبوعين ذلل حصور الجلدين
هد النظام فوق راس جميع الموفسدين
مطلوب زعيم..يحمى الحدود يعدل ما بين الناس تمام زى الفاروق
ويكون حنين على الفقير ...وعلى اللى فاسد يفترى
يهدم على دماغه الشقوق...ويعقله فى المشنقه
او يرفعوا على راس خذوق
مطلوب زعيم
ميقولش على الخوف حكيم ..ويكون كمان سمعه سليم
يسمع لنبضه قلبنا..ويكون مكانه فى وسطنا
ما يعيشي ابدا في القصور...والبعض منا للاسف ساكنين قبور
يشرب و ياكل اكلنا....ويعيش كاواحد مننا
يسمعلنا ويشور وياخد راينا...وقت الخطر نتلم حواليه كلنا
ونضحى وياه بعمرنا
مطلوب زعيم
على المسؤليه يكون امين...ويكون جرئ ويكون شجاع
يمشى على خطه دافع...يعرف يقول للظلم لا
ويموت ولا يفرق فى حق
مطلوب زعيم
نقدر نحاسبه بالقانون ..اونعزله لو للامانه يوم يخون
لا يشترط للشكل ايه...لا يشترط للسن اية
لا يشترط للمله ايه..شرطه الوحيد يكون بشر
بالاختصار مطلوب دكر
3 comments:
الاغنية جابت من الاخر مش فى حاجة اكثر من كدا، بس نجيبه منين بقى متهيالى لسه مش ظهر اللي نقدر نقول فيه كل الكلام ده
تحياتي بوست رائع
السلام عليكم ورحمه الله وبركاته الاغنيه جميله فعلا فيها كل المطلوب فيها حلم المصريين والغلابه والشباب وطفل المستقبل بس يارب يجى حد حتى نص كده يحكم بالعدل ويرحمنا مصر ضاعت حرام والله تسلم شكرا ياكريم على المنقولات الرائعه
مرسى اوى نشوى ونانا بس ليا تعليق على كلمة طفل المستقبل فكرتنى بمكتبة ماما سوزان والمنقولات الرائعة حسيسيتنى انى بنقل عفش بيتنا , انا بهزر بدون اى زعل , تحياتى و احترامى لكل من يكتب كلمة فى مدونتى المتواضعة وشكرا لمجهودكم للمشاركة بالراى, تحياتى
Post a Comment