Wednesday, February 1, 2012

موقعة بورسعيد = موقعة الجمل

واللة كنت متوقع انة لازم يحصل حاجة فى ذكرى يوم موقعة الجمل و الناس تموت تانى و الدنيا تولع, اهو حصل فى استاد بورسعيد الدنييا خربانة و مصر بقت خرابة خلالاص خلصت, سطو مسلح فى كل مكان و سرقات و قتل وهتك اعراض دة احنا عديينا الكفاار ياجدعاان, ربنا يستر لغاية يوم 11 فبراير يوم التنحى الاعظم, مفيش كلام اقولة ولا فى نفس ولا فى رغبة فى اى شىء , انا ليا سؤال معلش و ياريت حد يرد عليا فية, المجلس العسكرى و المشير اعلن الحداد 3 ايام عشان ضحايا المبارة ببورسعيد السؤال لية معملش كدة مع كل الضحايا اللى كانوا فى مجلس الوزراء و محمد محمود و ماسبيرو  عايز افهم اية الفرق مش كلة ضحايا ولا اية؟؟؟؟؟

3 comments:

Nashwa said...

انا بصراحة مش عارفة اقول ايه انا حزينة جدا على اللي بيحصل ونفسي افهم ايه اللي ورا كل ده لما يحصل كدا مع ناس برئية مش ليها اي ذنب فى اي حاجة وللاسف كالعادة ولا حد هايفهمنا ولا هايرد عليناونستنى لجنة تقصي الحقائق بتاعتهم بقى
حسبي الله ونعم الوكيل فى كل مسؤل عن كل اللى حصل ولسه هايحصل

Egypt trend said...

المجلس العسكري عامل علي راي المثل اللي بيقول يقتل القتيل ويمشي في الجنازة وبكرة الايام تثبت ما اقول

nana said...

مع الاسف لا املك غير حسبى الله ونعم الوكيل ولسه محدش عارف بكرة فى ايه؟ ربنا يستر