اغنية رائعة جدا لعلى الحجار وكلامها يدل على حال شعب بلدنا الدائم سوف اكتب كلمتها اليكم واعتقد ان منكم من يعرفها ولكنى شعرت بها تلك الايام القليلة بشدة وهى تقول كالاتى
يامصرى لية دنياك لخابيط والغلب محيط والعنكبوت عشش على الحيط وسرح على الغيط ,يامصرى قوم هش الوطاويط كفياك تبليط,صعبة الحياة والحل بسيط حبة تخطيط
فتحت باب استيرادك وصرفت فوق ضعف ايرادك حيلى للخواجة استكرادك سابك بتقرا فى اورادك ودة قشطك و نزل تشفيط
ومهولاتى تحب تزيط ساعة الفرح زغاريت تنطيط وفى الياتم هات ياصويت وفى المظاهرة تصد تشد ومنين تخاف تنسى التصويت
ولية بترشى وتتساهل وتضيع حقوقك بالساهل تستاهل النار تستاهل,يا غويط ويحسبك الجاهل ساهل وساهى وغبى وعبيط
يامصرى يالى الغلا عصرك والنهب فية عصرك حصدك قوم للحياة واسبق عصرك ولاحاجة حترجع مصرك الا ان تكون شغال ونشيط
يامصرى لية دنياك لخابيط والغلب محيط والعنكبوت عشش على الحيط وسرح على الغيط
11 comments:
فعلاً أغنية جميلة
أعتقد كلمات سيد حجاب ( إن لم تخني الذاكرة ) كلمات زي الرصاص
شكراً لأنك فكرتنا بيها
الاول اقول ميرسى على زيرتك فى الرعب بتاعى
نجى للبوست
كلامات الاغنيه تحفا هبقى انشا الله انزلها واسمعه
ميرسى ليك مره تانى
كلمات رائعة واكيد بصوت الحجار ستكون أروع
عجيب انى مسمعتهاش فعلا وانا من المعجبات بصوت على الحجار جدا
والأعجب انى كنت باسمعله فى قلب الليل قبل قراءة تعليقك بفترة قصيرة جدا
:)
تحياتى
عزيزتى انتى تعلمى ان هناك العديد من الكلمات والاغانى المعبرة عن شعبنا لا تذاع حت لا تفتعل المشاكل فهمانى طبعا , تحياتى
هو انت معرفتش مش احنا برضه السبب ده تاريخ يا كريم تارررررررريخ
بس حلوة الاغنيه
اابى انا عارف اننا علينا مسؤولية بس مع الاسف دى ثقافة شعب و لازم تتغير من الصغر و من الاول, اشكرك
بجد جاااااامده
المهم تكون بفايده...
انا مش عارفة هانقعد لحد امتى نسمع الاغاني وتعجبنا كلامها اوى ونحس انه بيجي على الوجع ونقول يا سلام هو كدا فعلا واحنا اصلا مشاركين فى كل اللي بيحصل طيب والفعل هايجي امتى او رد الفعل حتى احنا خرج مننا جيل الثورة وجيل حرب أكتوبر مش معقولة مصر بقى مش فيها شباب يعرف طريقه لاصلاح الحال احنا اتعودنا نقول يارب ونحط ايدينا على خدنا بس ربنا بيقول اسعى ياعبد
لكن برضو لسه في أمل لماالاغنية تلفت نظرنا وتعجبناويكتبها شاب زيك يا كريم
المرة ديه مش هاقول بوست رائع هاقول موقف رائع واغنية جميلة
فعلا رائعه
أول مره سمعتها هبلتني :)
واسبق عصرك ولاحاجة حترجع مصرك الا ان تكون شغال ونشيط
أول مرة اعرف هذه الاغنيه بس بجد حلوه قوي اختيار موفق أنا مؤمنه ان الشغل والنشاط هو الشيئ الوحيد النافع ال في أيدينا علشان مصر تنهض بجد
تحياتي ان شاء الله يديم التواصل
Post a Comment