البوست دة بيحكى حاجة حصلت ليا مع اصحابى فى احلى اوقات حياتى واجملها
كان لينا صديق عايز يشترى عيش توست وكان اليوم دة ليلة راس السنة وكنت انا و اصحابى فى المرحلة الثانوية, المهم اليوم دة كان ليلة راس السنة وكنا رايحين نجيب العيش التوست من المعادى علشان كنا ساكنين جنبيها وقولنا ننزل نهيص بالمرة هناك فى راس السنة ونقضى يوم لطيف احتفالا بالسنة الجديدة, وبعدين واحنا ماشين عدينا على المطعم الصينى اللى فى شارع 9 ولقينا بنت زى القمر خارجة من المطعم وطبعا مش مصرية وواضح انها مخانقة مع صاحبها, المهم صديقى العزيز شادى اصر على انة يكلمها ياعم يهديك يرضيك مافيش فايد فصحبنا نادر صاحب العيش التوست قالوا كلمتين علشان يروح يقلهم واحنا وراة متابعين الموقف, وفجاءة واحنا ماشين وانتوا عارفين المعادى تتوة اصلا وساعات بتكون ضلمة لاقينا عربية بكشافات جامدة فى وشنا, ونزل منها واحد وبيقول رايحين فيين قلنالو عادى بنتمشى ولاقينا عسكريين حوالينا,سالنا انتوا مش عارفين انتوا فين قلنا لا
قال هنا مساكن الامريكان وكانت بقى اياميها ايام الارهاب وكدة
قلنالو طيب احنا مالنا
راح بداء يقول بطايئكم والمسدس بداء يظهر
راح سال نادر صاحبى بتاع التوست اياة اسمك اية
قالوا اسم النبى حرصك ونط من فوق العربية و جرى وكلنا طبعا زية
كل واحد جرى فى حتة وسمعنا الظابط بيقول هاتولى الواد بس على نادر صاحبى
قلنا بقى لازم نليهيهم عنة لقينا العساكر بتقلع البيادة( جزمتهم ) ووراة رحنا جرينا قدامهم وافترقنا لغاية لما اتقابلنا بعد ساعات فى شارعنا بسلام بعد مطاردات واللة كنا هانروح فداهية
كل دة بسبب العيش التوست وصاحبى اياة بتاع البنت الامريكانى
وصدق اللى قال الجرى نص الجدعنة وساعات الجدعنة كلها
بس كانت ليلة فعلا احلى احتفال بالسنة الجديدة
14 comments:
قدر ولطف وربنا ستر
والا كان زمانكوا لبستوا
مسئولية ضرب البرجين وايواء أسامة بن لادن وتهريب اسلحة
ووووكفاية كده
من رأيى
بلاش
توست بعد كده
وكمان بلاش صحبك ده:)
نحمد ربنا على انة وفقنا وجرينا وعلى فكرة الواحد لم بيجرى وهو خايف بيبقى سريع جداا ودة شغل الادرينالين بقى
فعلا الجري مش نص الجدعنة بس المرة ديه الجدعنة كلها والا الموقف كان لن يحمد عقباه
اعقد ان الجرى من اهم المواقف فى حياتنا علشان بينقذنا من مواقف بايخة كتيير
ههههههههههه
جريتوا !!!!
طب والله جدعاااااااااان
وانا بكمل قراية بقيت خايفة العساكر يضربوا عليك نار ولا حاجة
:D
بعد الشر طبعا
انا لو منكو بقى
اكره العيش التوست
وممشيش من الحتة دى اصلا
واسيب صحبى نادر دا اساسي
:D
واسيب المعادى كلها
:D
بهزر طبعا
حلوة المغامرات بتسيب ذكريات خاصة لو مع الصحاب
تحياتى ليك
ملحوظة : انا بحب جدا جدا الاغنية بتاعتة على الحجار يا مصرى ... بحبها فوق كل الحدود اللى فى الدنيا .. متشكرة لمدونتك جداانى افتكرتها
:)
مفيش قلق زمان الظابط و العساكر مشيوا من الخدمة وكلة تمام
والله جريئين!!!
اللي قدرتو تركضوا وتهربوا بسرعة!!
يعني اول مرة ازورك الاقيك داخل في خناقة مع امريكا :)
ان شاء الله بداية تواصل دائم
طيب كان كمل الرجولة للآخر مش عامل فيها 7 رجاله ورايح يعاكس
سيدتى ام احمد شكرا لزيارتك الجميلة
يا ديسرت كات ماهو لو كان كمل كان زمانة روحنا فى ستين سلامة بس ايامها مكانش فية ابو غريب الحمد للة
ادي اخره اللعب مش قولنا كده مينفعش بس ذكريات حلوه بجد ههههههه والله ضحتنى
يعني صاحبك اللي بيعاكس البنت ده ينطبق عليه جملة استيفان روستي الشهيره
نشنت يافالح
هههههههههههه
المهم جبتم التوست والا لأ؟؟؟؟؟؟؟؟؟؟
طبعا جبناةة دى كانت مهمة انتحاربة فى سبيل التوست وتمت بنجاح
Post a Comment