Tuesday, October 13, 2009
هيئة سكك حديد مصر
طبعا كلنا فاكرين اعلانات هيئة سكك حديد مصر اللى خنقونا بيها فى رمضان علشان التزويغ من التذاكر والتخريب والكلام دة, امس كان هناك قطار يخرج من الاسكندرية الى القاهرة الساعة 9 مساء, وصل القطار الى القاهرة الساعة 6 صباحا يعنى 9 ساعات سفر من هناك الى هنا, ليية بقى فى عربية حصل فيها عطل فارسلوا لها جرار علشان يشدها راح الجرار عطل, راحو ارسلوا جرار تانى بردة عطل, راحو ارسلوا جرار تالت من باب التفائل ان التالتة تابتة راااح اية عطل, اربع جرارات علشان يجروا عربية, هى دية سكك حديد مصر ودية حكومة مصر وهيئاتها, الشىء الجميل ان ركاب القطار اول ما وصلوا عملوا 70 بلاغ ضدد الهيئة يعنى الحمد للة لسة فى امل فى الشعب بس الحكومة اعتقد لا, وسلمولى على الاعلانات للهيئات والوزارات
Subscribe to:
Post Comments (Atom)
7 comments:
ياكريم
ياكريم
ياكريم
عادى ياعنى
فيها ايه يعنى
احنا فى أم الدنيا
مصرنا العزيزة اللذيذة
بـــلد الحلويات والزبادى
فيها ايه لما يتأخر 4ساعات عن
ميعاده المهم يوصل بالسلامة
دى أهم أهم اهم أهم حاجة
وسلملى على رئيس الهيئة
القومية للقطارات وللترومايات والاتوبيسات والميكروباصات
والموتيسكيلات
هههههههه !
ماهو ده التجديد اللي عملوه ياكريم ان القطر بدل ما ياخدالمسافةفى ثلاث ساعات ياخدها فى 9 ساعات غير ان الجرارات اللي بتتكلم عنها ديه كلها جديدة وعشان عايزين يحفظوا عليها بيبدولوا مش جرار واحد لاء اربعة وكلهم بنفس الجودةاول ما يوصلوا يعطلوا شوفت بقى
بس الحمد لله ان لسه فى ناس عارفة تتكلم وتدور على حقها انا كنت فاكرة ان الناس اتعودت على السكوت بس خير ان شاء الله
وربنا يستر على بلدنا وعلينا
عزيزتى نوور ياريتهم كانت 4 ساعات دوول 9 وكما الحمامات مش فيها مية والناس اتخنقت وحصل اغماءات وكانت ماسااة, اللة يرحم عبيدة
نشوى الغالية فعلا الجميل والمشرق ان الناس اصبحت ايجابية ولا تسكت على الاخطاء الفادحة بس الاهم هل فى حد هايسمع
السلام عليكم ورحمة الله وبركاتة ,,
الله المستعان ياكريم ان شاء الله .. وربنا يصلح الاحوال اللهم امين والمسلمين وتعالوا نوحد الدعاء ان شاء الله وربنا كريم ياعم كريم
يا عزيزى اهم حاجه انهم ضمنوا حقهم يعنى مش تزوغ وادفع التذكرة
لكن مش مشكلة حالةالقطارات عاملة ازاى
انا لما شوفت البرنامج اللى كان فيه سيادة وزير النقل مش صدقت ان الناس فعلا اتحركت وعملت بلاغات بجد سعدت جدا ان فى ناس لسه عندها احترام لنفسها
الوزير غازلهم النهاردة واصدر لهم كارنيهات مجانية
مش عافه ايه علاقة الكارنيهات المجانية للى قعدوا 9ساعات فى القطر بكل الجرارات العطلانة فى الهيئة
تحياتى
اسمح لي حضرتك
اربع جرارات نعطلوا
يبقي الهيئة مش مسئولة اوي
ممكن يكون الركاب
تحياتي
Post a Comment