Monday, October 19, 2009

جوانتنامو

طبعا كلنا عارفين هذا المعتقل الامريكى الشهير بكل ما يتمتع بة من طرق تعذيب رهيبة, من يومين سيدة سعودية اكتشفت ان اسمها على موبيل زوجها جوانتنامو, تخيلوا تفتكروا الست دية كانت بتعمل اية فى زوجها ولا هو اللى كان بيفترى عليها بالاسم دة, المهم الست اطلقت من زوجها بسبب الاسم دة , وكويس ان فى حد بيعرف يخرج من المعتقل دة اليومين دووول, عقبالناا يارب

10 comments:

طهر فؤادك said...

السلام عليكم ورحمة الله وبركاتة ,,,
اذيك ياكريم
ربنا يكرمك يارب والمسلمين ان شاء الله .. ضحكتنى ياكريم بجد ... بس الحق امسح الموضوع لحد يشوفة وتبقى حكاية انا خايف عليك ههههههه .. ربنا يكرمك يارب والمسلمين ومستنى زيارتك فى مدونتى ان شاء الله
اخوك فى الله

Anonymous said...

ياراجل انتا لحقت
:)

karim said...

عزيزى طهر فؤادك لا تقلق عليا احنا رجالة قوى, اعتقد كدة ولا ايية

karim said...

اسامة باشا الفكرة واللة مش فى المدة انك تتخيل انك هاتفضل مسجون طوول عمرك دة لوحدة اكتئااب و خنقة و من اول يوم وحياتك, يارب نخرج حسن سير وسلوك

Nashwa said...

مش عارفة ليه انتوا دايما بتشوفوا الجواز سجن مش يمكن احنا كمان بنشوفه كدا على العموم ده بيتوقف على شخصية وطباع اطراف الجواز ده سواء الراجل او المرأة نفسها ممكن يخلي الحياة جميلة وممكن يخليها سجن زي ما بتقول ياكريم
واتمنى ليك حياة سعيدة بعيدة عن احساس السجون والخنقة والاكتئاب

karim said...

عزيزتى نشوى من طبيعة الرجل ان يكو حراا منطلقا و اكييد اى قيد يشعرة باخنقة وعدم الحرية دية طبيعتنا نعمل ايية, بس الفكرة ان واضح ان الست دية كانت مطلععة عيييينة مش ممكن حد يسمى حد كدة من غير سبب, او هو انسان مستهتر و فى الحالتين الانفصال افضل

nana said...

السلام عليكم ورحمه الله وبركاته
اولا مش معنى انى الجواز سجن يبقى كله زى ما قالت نشوى كل واحد بيتوقف على شخصيته وبعدين ده نصف الدين ولاايه وربنا جعهل موده ورحمه بين الاثنين وبعد اانفصال زى ما انت بتقول هو الافضل تفتكر مش هيفكر يتسجن تانى هيفضل عاذب عالطول يمكن الاسم صعب بس ربنا يهدى الجميع اللهم ما امين وحياه سعيده ان شاء الله

karim said...

عزيزتى نانا طبعا انا معاكى ان الزواج مهم جدااا ونص الدين و كل الكلام الجميل دة, لكن عايز اقوليك ان الوقت اختلف والناس كمان والكلام الجميل دة كان زماان, لاينطبق على واقعنا الحالى وشوفى احصائيات الانفصال اد اية, انا راى ان الناس لابد ان تعتبرها تجربة وتخلص فيها لانها اذا فشلت لايكون هناك احساس باذنب لان الطرفين اخلصوا ولكن الظروف لم تساعدهم باى شكل من الاشكال, ممكن يقوموا بتجربة اخرى ولكن اعتقد انة سوف يكون ناتج من الشعور بالوحدة ( و ضل راجل ولا ضل حيطة ) والكلام دة, وبردة الراجل علشان يلاقى حد يونسة, بس بردوا دة تفكير بقى قديم فى وقتنا الحالى, المههم اللى مش قد الجواز بلاش منة احسن والمشكلة ان الشخص مش بيقدر يعرف انة قد الجواز ولا لا الا لما يتجوز و يخوض التجرية هههههههههههههه

عبد من عباد الله said...

سمعت انا الخبر ده و اعتقد ان الراجل قال انا كتبت كده علشان لما تتصل بيا الناس اللي حوليا ما يعرفوش انها هى اللي ببتكلم علشان الخصوصيه مش اكتر ، و بعدين انا مش مقتنع ان يكون سبب الطلاق الاساسي هو موضوع الموبايل ده ، ممكن تكون القشه التي قسمت ظهر البعير ..

و على العموم كان ممكن يقولها انتي جوانتنامو فعلاً لانك حابسه قلبي و معذباه ... و بكده يطلع من المطب ده ههههههه

Unknown said...

هو انت لحقت
يـــــاكريم؟