كلمات اغنية اسمها زحمة لفرقة بلاك تيما تدل على واقعنا الحالى ببلدنا العزيزة
عايز رايكم فيها
اسأليني يا حبيبتي ع اللي داير في البلاداللي فيها صادروا حلمي وباعوا صوتي في المزاد اسأليني عن ولاد شفتهم بعنيا دول جربوا كل الحلول وبيفشلوا بالاٍجتهاد احكي ليكي ألف قصة من حكاوي التعبانين اللي عايش نص ميت واللي ميت من سنين اللي نص كلامه كحة واللي شاف خمارة راحها واللي اكل العيش دبحها دايرة دور ع السكرانين
زحمة زحمة زحمة زحمة
اللي نامية وفيها ثروة م الفلوس تعمل جبال واسأليني عن كباري نايمة تحتيها العيال اسأليني ع الغلابة واسأليني ع التقال اسأليني ع الديابة واسأليني ع الفساد اسأليني اشمعنى صابر ع المآسي الملهية أقولك اني كنت واحد م الغلابة الأغبيا اللي صبروا ف انتظار المعجزات والأنبيا واللي فاق من وهمه فجأة لاقى كفر قوم عاد لسة برضه قلبه طاير كعب داير فى البلاد
زحمة زحمة زحمة زحمة
Subscribe to:
Post Comments (Atom)
5 comments:
كلامها صعب
لكن واقعى
وللأسف!!
لكن أيه الفايدة
بيقولوا وبيعيدوا
هل القول بيغير شىء؟
ما ارى تغيراً لحالنا الأ بمعجزة
من عند الله سبحانه وتعالى.
المهم كل سنة وانت طيب
وعيد سعيد عليك وعلى
كل احبابك يارب
وحضرتك طيبة و كل المسلمين بخير وتقدم يارب
اغنية جميلة وكلامها وصف لواقعنا اللى خلاص اتعودنا انه يبقى فى اغنية وده اقصى اللى نقدر عليه اننا نغنيه لكن نحاول ان نغيره او ندرو على الحل اللي يساعد فى تغييره ...............
كل سنة وانت طيب يا كريم ومصر كلها طيبة وبخير دايما
للاسف ده فعلا واقعنا المخجل
اللي بقينا عليه
عليه العوض ومنه العوض فيكي يا بلدي
بعد ماكنا اصحاب اعرق الحضارات بقينا سوري في ديل الامم !!احنا محتاجين معجزه بكل المقاييس
كل سنه وحضراتكم بالف خير
Post a Comment