Tuesday, March 8, 2011

مصر ريحتها وحشة

مما لاشك فية ان بلدنا الايام دية عمالة تطلع كل النفايات والقاذورات التى كانت على مر السنين الماضية, تحس ان بلدنا ريحتها بقت وحشة من كتر اللى بنشوفة و نسمعة من فساد و مفسدين و بلاوى سودة, مش عارف اقول اية بجد بس انا هاشبها بشىء معروف و مقرف شوية, اكنك بتعمل عملية لتنظيف جرح او خلع ضافر مدوحس او او او , المهم انك لازن تشيل القديم و تنضف كويس قوى كل القاذورات و القرف والوساخة علشان يبقى على نضيف و اللى يطلع يبقى مزبووط علشان يتبنى على اساس صح و مش يحصل مضاعفات تانى ونعمل عملية تانى, هو دة حال البلد دلوقتى هرج و مرج و كل شىء وحش ومقرف بس دة طبيعى جداا, بعد القيام بعملية لتطهير مكان متلوث و بة فطريات و عفن لمدة ثلاثون عاما يبقى العملية مش سهلة و لسة هاتطول علشان الجرح ينضف, عذراا للالفاظ و التشبيهات المقرفة بس دة اقرب وصف انا شايفة للواقع

1 comment:

Nashwa said...

انا معاك اوى يا كريم فى كل ده
بس على الاقل نقلل الفوضى شوية عشان البلد تقدر توقف مرة تانية ونعدي ونبدأ على نظيف زي ما بتقول خلينا نثبت ان احنا فعلا بنحبها وعايزينها كويسة
ربنا يستر على بلدنا وتعدي الازمة ديه على خير ان شاء الله وتبقى من احسن البلاد ديه امنيتنا