Sunday, March 20, 2011
بيدور على رمز الهلال
انا مش هاكتب كتير , بعد ظهور نتيجة الاستفتاء بتاكد كل يوم من بعد رحيل مبارك انهم كانوا صح فى حجات كتير, زى ما قال عمر سليمان احنا غير مستعدين للديموقراطية, انا لا اعترض على النتيجة لكن لما اشوف بعينى هنا فى مدينة نصر توزيع فلوس على الفواعلية علشان يقولوا نعم , دة غير الاخوة الفلاحين و الصعايدة اللى بيقبضوا و يروحوا يعلموا و شفناهم على الفضائيات خارجين يقولوا احنا مش لاقين رمز الهلال دة طبعا حافظ مش فاهم انة مش فى انتخبات مجلس الشعب بس هو معزور علشان فى الحالتين بيبقض فى فاكر انها هى هى, المهم ان الناس كانت نازلة بجد فى اماكن كتير, وربنا يكرم بلدنا لما هو صالح اليها وعلينا تقبل النتيجة وننسق افكارنا لما هو لصالح بلدنا
Subscribe to:
Post Comments (Atom)
2 comments:
انا متفق معاك تماما احنا فعلا معندناش ثقافة الديموقراطيه ولا وعى بالديموقراطيه احنا عندنا ثقافة الاحتشاد بمعنى اننا ممكن نحتشد بس ليه وعلشان ايه ...؟!!
بس برغم ده انا متفائل وان شاء الله الجاى احسن
انا كنت سعيدة جدا واحنا واقفين فى الطابور عشان نصوت ونقول راينا ونشارك فى مستقبل بلدنا وكل الناس كانت مبسوطة اوى بالمشاركة ديه بالرغم من ان اغلب الناس كانت مش فاهمة هتقول اه او لاء ليه واللى حصل انهم فاهمين ان الموضوع ديني سواء المسلمين اللى عايزين يقولوا اه ولا الاخوة الاقباط اللى على العكس طبعا
ونسيوا ان احنا بنقول راينا فى مستقبلنا ومصير بلدناوان ده مش ليه دعوة بالدين، بس خلينا نكون ايجابين ونقول اننا كنا نفقتد لهذه المشاركةوانه فى تغيير بجد فى البلد بغض النظر عن النتيجة فانا لاول مرة فى حياتي اشارك واهتم واقول راي فمرحبا بالتغيير لبلد افضل واحسن
تحياتي
Post a Comment