Sunday, September 18, 2011
اول يوم دراسة
ديما فى اول يوم صابح دراسة بيبداء من ليلتها كدة احساس مش لطيف سواء من حزن وملل من الايام اللى جاية بالدراسة و التحكمات بقى فى مشاهدة تلفزيون او لعب وكل واحد بقى يخترع اشياء للهروب من المذاكرة و كدة. لكن المهم ان ليلة اول يوم دراسة عجيبة اوى ديما يكون فيها شوية هواا كدة بليل او لسعة برد خفيفة حتى لو فى الصيف و تحس ان الليل دخل بسرعة و الوقت بطىء و جو من الكأابة اكنك رايح سجن. مش عارف لية ديما الليلة دية كدة و تحس ان الجو العام اتغير و هدووء قاتل فى الشوارع حتى المزدحمة. اكنة جو تعبئة عامة للدراسة, واول ما الصبح يجى جيوش من التلاميذ فى الشوارع اللى فرحان و اللى مخنوق و بيعيط خصوصا اللى اول مرة يروح و يسيب النعيم اللى كان فية. وكلاكسات اتوبيسات مدارس و ميكروباصات. كاانت ايام بس الغريب انها بتتكرر بنفس الطريقة و الشعور كل سنة سواء لييك سابقا او اولادك حاليا. كل سنة و انتم طيبين
Subscribe to:
Post Comments (Atom)
3 comments:
كل سنة وانت طيب يا كريم
بس والله بيبقى ليها احساس جميل وبيتكرر كل سنة مش بيتغير
ربنا يجعلها سنة سعيدة ان شاء الله على الكل
فعلا و اللهي كلامك سليم تماما
لها احساس مختلف كدة
تحس ان الطبيعة بتشارك الناس دخول المدارس
كل سنة و انت طيب
الحمدلله أنا تخرجت ولو يعطوني مليون دولار مش هأرجع وربنا ههههههههههه
Post a Comment